منتديات جنون الليل . بلوتوث . صور . افلام . برامج . فلاشات . نغمات . توبيكات . رياضة . برامج . يوتيوب . - عرض مشاركة واحدة

May 27th, 2009

هع ..

والله إني يوم عزمتيني حطيت إيدي على راسي عشان شماغي اووبس أقصد طرحتي ما تطيح وأحط لك رجلي ع الطريق السريييييييع وأمشي لك 180 !!

على بالي بوه حرب أهلية بين أعضاء الموونتدى المبجل !!

ما علينا ..

اقتباس:

اخواني و اخواتي الأعضاء...نبغى نرجع شوي للخلف

لأيام المدرسة...(إعترافات مدرسية)

اللي يسمعك يقول إني طلعت منها ألحين !!

حرام عليك حطمتيني يختي لساتني باقي لي شهر بثالث ..

والله بديت أشك إنها بتعدي على خير ..

المووهم بلاش هذرة زايدة ..

استعنا بالله على الشقاء ..

<< ع الفضايح والله ..

1_ كم مرة تكفخت من الطالبات الأكبر حجماً ؟ وهل سبق أن ضحك عليك أحد وأخذ فسحتك أو مصروفك؟

اممممممممم أذكر بأولى ابتدائي وحدة من صديقاتي عطتني كف يقالها تستهبل !! وأنا الخكريه بكيت .. طبعا الحدث كان بالطلعه .. فاا اول ما ركبت السياره قلت لبابا وقعدت أصيح .. وهو هزأها ..

ومرة بنت جيراننا وصديقتها هم أكبر مني بسنة .. وحدة بغت تصفقني كف .. وأنا يقالي قوية مسكت إيدها .. جت الثانية الله يعطيها الصحة والعافية مسكت إيديني .. والأخت المعتدية عطتني الكف على ماي فيس .. وعدت أدراجي إلى المنزل أبكي وما في استقبالي إلا شغالتنا !!

بالنسبة للمصروف ..

العام مدري السنة اللي قبله .. كانت العاملة بالمقصف حسبي الله عليها .. إذا دفعت لها ريالات بدل الخمسات والعشرات .. تلعب علي تقولي ناقص ريال .. ناقص ريالين .. وأنا فاهية أشك بعمري الصرااحة .. فااا أعطيها وأنا ماكلة تبن ..

المشكلة ليتني أنا بلحالي .. أنا وصديقاتي الفاهيات ..

عاد أنا وصلت لاستنتاج خطير ..

أشك إنها كانت تشحن فيها جوالها ..

::

2_ هل كنت من الزوار الدائمين للإدارة ؟ وتعرف زين شكل ورقة
التعهدات والمسطرة ؟ موقف مع الإدارة لن تنساه ؟

يص .. أنا مسنتره بمكتب المديرة بصفتي طالبة شورى .. وكنت الترم اللي راح رئيسة المجلس بس النظام هيك كل ترم لازم يغيرون ..

أما بالنسبة لورقة التعهد والله إني إلى ألحين ما كتبت تعهد ولا مخالفة وربي ..

والمسطرة كان عندنا أبلة مريضة حسبي الله عليها وأنا بثاني ابتدائي .. كانت تقولنا والله لو لقيت بنت وحدة بس عند الباب وقت حصتي بضربكم كلكم بالمسطرة ..!!

فاا محسوبتكم مسوية عاقلة ومسلمة أمرها لله وراضية بالأمر الواقع ..

صرت كل ما طلعت بنت أطلع وراها لأني دارية إنو المسطرة بتبوس إيديني لا محالة ..

موقف مع الإدارة .. مرة كنت أسولف بالطابور .. وتجي الوكيلة يعطيها العافية وتخليني أنا وثلاث بنات معي أنا الوحيدة السعودية بينهم !!

وحرمتنا من الحصة الأولى .. وواقفين بالسيب قدام كل من هب ودب .. المهم .. وحدة من البنات مطرررطعة .. تبعا هذي السلااااافه صارت العام .. وتقعد البنت تدعي ع الوكيلة : إن شااااء الله يااااااا رب إنها أووول ما تحط رجلها بالبيت يقولها انتي طااااااالق !!

<< حاقده من قلب ..!

قلت لها لا لا ولا يهمك .. وأرفع إيديني إلى السماء .. وأقووول يااااااااا رب إنها تزحلق وتطيح قدامي وأقعد أضحك ياااااا رب .. البنات فقعوا ضحك كلهم .. وقلت لهم يلا امسكوا ايدين بعض وقولوا يا رب ..

<< تلعب عليهم بنت أبووها !!

المهم قعدنا ندعي .. شوي إلا تجي المديرة تمر قدامنا .. والأخت تستحقرنا لأننا موقوفات ..!

أنا حقدت عليها .. المهم .. من صدف الحياة .. الأخت أول ما مرت قدامي زحلقت .. تخيلووووا .. بس ربكم ستر وما طاحت على وجهها .. تدراكت الموقف يعني وقالت باسم الله

.. وطبعا طبعا بحكم إني نهى

.. ما كان مني إلا اني قعدت أهتز من الضحك .. وأنا ع السايلنت ..

أوول ما عدتني بواحد ملم

.. فقععععععت ضحك ..

واللي جنبي تدقني تقولي اسسسسكتي .. وأنا أضحك بأعلى صووتي تقولون رقااصه ..

وهي من طيحة الوجه ما لفت تناظرني ..

أنا كنت بقلبي اقوول انعن اوووم الفللله .. دعيت ع الوكيله جت بالمديره !!

وعشان تنقهر أكثر .. جت فصلنا تقول مين تبغون طالبة الشورى تبعكم ؟؟

كل الفصل بصووت وااحد : نوووهىىىىىىىىىىى ..

::

3_ بصراااااحة:عمرك غشيت في الاختبار ؟

ههههههههههههههههههههههه ..

مرتين بحياتي وربي ..

مرة بثاني ابتدائي اختبار دين مفاجئ ..

ما دريت وت أسوي .. المهم الاختبار كان بالدفاتر << من فهاوة الأبلة والله ..

المهم محسوبتكم كتبت الأسئلة وبدت تحل .. عاد هذي الدفاتر العادية اللي بدون سلك ..

فاا أسوي كأن الدفتر تسكر علي ..

وأقول أوووف .. وأرجع أفتحه أدور ورقة الأسئلة وأسير ع الدروس اللي فيها الأجوبة وأنقشها ..

<< بالله هذا مخ وحدة بثاني ابتدائي ..!

صدق إني داهية ..

تف تف تف بص ..

والمرة الثانية بخامس ابتدائي .. شفتوا مسائل الضرب والقسمة .. اشترى عبد الله ثلاثة عشر قلما !!

محسوبتكم من زود الفهاوة كانت تخربط .. ما تدري المسألة تنحل بالضرب ولا بالقسمة .. فاا الظاهر كنت أقول حقرة بقرة وأختار العملية ..!

وحليت المسألة ضرب وسمعت الأستاذة تقول لوحدة من البنات : ليش حليتيها ضرب ..؟ هي قسمة .. أنا بغيت أموووت بحكم إني دافورة .. فاا غيرتها وحليتها قسمة .. وما هان علي الصراحة إني أغش .. بعد الحصة كانت الفسحة .. فاا انتظرت كل البنات يطلعون وقلت لها يا أستاذة ترى صار هيك وهيك ..

<< شوفوا العقل على أصووله بث ..

::

4_عمرك هربت من المدرسة ؟ هل كنت من المتأخرات عن الدوام الرسمي؟

هربت ؟؟ لا نادر والله .. إذا كانت حصة فراغ والبنات قالوا هروب جماعي أنا أووولهم ..

مرة هربت أنا والبنات وفرفرنا شوويات بالسكوول .. طبعا الهروب كان من حصة الفنية .. هي قالت تعالوا بالفصل الثاني .. وسحبنا عليها .. وآخر شي رحنا للحمام << بيت الراحة والهرووب والفرجة على عمرك بالمرايه ..

ويوم رجعنا إلا الزفتة رايحة لفصلنا .. وهو فاضي .. بالله تخيلوا المنظر هي راجعة لفصلنا واحنا توهقنا فاا دخلنا الفصل الثاني اللي كانت تنتظرنا فيه لأنه قبل فصلنا في السيب .. رجعت الأخت للفصل ولقتنا فيه .. خخخخخخخخخخخخخخخخخخ .. قالت تعالوا تعالوا ..

وتودينا للمديرة .. طبعا محسوبتكم طالبة الشورى استلمت الفقش .. << هذي السالفة صارت العام .. برضو كنت طالبة شورى ..

وقلت للمديرة احنا فهمنا الأستاذة غلط .. نحسبها تقول تعالوا لغرفة الفنية .. طلعت تبينا نروح للفصل الثاني ..

ورحنا لغرفة الفنية ولقيناها مسكرة << والله إنهم ما عتبوا عندها حتى !!

أشووى إننا شبرنا السكول هع

.. وعدت على خير بفضل الله ثم فقش نووهى ..

<< قلنا لكم أوم وجهين ما صدقتوا !!

وبالنسبة للتأخير كنت أتأخر بأولى ثانوي .. نقصت درجتين بالمواظبة بس على التأخير ..

::

5_عمرك سويت مقلب في مدرسة ؟

لا والله ما وصلت لمقلب الصراحة .. بس أستهبل معهم .. وإذا غلطوا بكلمة غبية جدا أضحك بوجيههم وأفشلهم ..

::

6_ماهي المواد التي تحبينها _ وتكرهينها _ وهل كنت تحبين مدرستها ؟

أكرررررررره الفيزياء .. والكيمياء .. مجموعي العام بالكيميا كان 92

.. يعني أوطى شي ..

والسنة هذي بنتحر من هالمادتين .. أضف إلى ذلك الرياضيات صارت غثيثة السنة هذي .. ولا أنا كنت أحووبها قبل ..

أحس إني لحست أمخاخكم ..

عمووما تقدرون تقولون إني الترم هذا بالتحديد كرهت الثلاث مواد هذي .. بس أحب معلماتي كلهم ..

والأحياء أحووبها ..

::

7_بكل صدق...تتمنين ترجعين طالبة في المدرسة؟

هعععععععععععع .. يا ناس قلت لكم باقي لي شهر فيها .. وماني مصدقة متى ينقلع وتقولون لي أبي أعيدها !!

<< عصبت البنت وخروا عنها ..

والله مدري بعد كم سنة إذا وحشتني المدرسة بعطيكم خبر ..

<< من ألحين تصيح لأنها بتفارق السكول ..

::

8_ ويش أكره حصه .. ويش أحلى حصه ؟

أكررررره حصة الإنقلش .. لأني ما أطيق الأستاذة ..

وعلى قولة بابا : ما زادتني علما ..!

الحمد لله على النعمة ..

وأحلى حصة اممممممم .. الأدب يمكن .. لأنو الأستاذة أسلوبها حلو .. والأدب شي ممتع الصرااحة ..

<< هي وبابتها بين فترة وفترة يمسكون كتاب بالليل .. هي تقراله شويات وهو يقرالها شوويات .. عاد اللي تبونه .. شعر .. مقالات .. بس غالبا طه حسين .. أور عباس محمود العقاد .. أور نزار قباني ..

::

9_ هل تتمنين تصيرين أستاذة ؟

لاااااااااااااااااااااااااا وألف لااااااااااااااااااااااااااااا ..

مستحيل ..

أكتفي بهذا القدر لأني لو حكيت ما سكت ..

::

10_ كم النسبه الي تخرجتي فيها ؟ هل كانت مقنعه بالنسبه
اليك ؟ كنت معيد فيها ام حصاد سنة واحدة فقط ؟

والله أنا لسا ما تخرجت .. بس بعطيكم كم جمعت للحين وانتو توقعوا بكم سأتخرج ..

العام ثاني ثانوي جبت 97 بوينت 57 مع ربع كيلو دجه ..

<< جبت نفس النسبه بالترمين وبغيت انتحر قلت كني ما سويت شي ..!

والترم اللي راح جبت بفضل ورحمة ومنة من الله .. 99 بوينت 17 ..

على قولة بابا والله إنك كرفتي عشانها ..

بس الترم هذا مثل منتو شايفين سحبت على اووم الدنيا .. صار لي يومين ساحبه ع السكول ونايمه ببيت جداني ..

وجبت بالرياضيات 6 وثلاث أرباااااع .. !!!! << رافعه ضغطي والله ..! بس محد قالي ما أذاكر ..

::

11_ هل يوجد أعضاء في المنتدى كانوا زملائك أيام الدراسه ؟ من هم ؟

خخخخخخخخخخخخخخخخخخخخخ ..

تبغون تنصدمون ؟؟

رمرومي .. أختي من يوم انولدت حضرة جنابها ..

حفيدة جدتي .. صديقتي من المتوسط .. لبى قلبك نووواااره .. الله لا يحرمني منك بث ..

شايفة وساكتة .. صديقتي من خامس ابتدائي .. ولو إننا جت فترة بعدنا عن بعض شويات ..

أوار .. برضو صديقتي من المتوسط .. بس هلأ ما صارت تدخل ..

رافعة حاجبها ومحد عاجبها .. صديقة رمرومي ..

منتهى الرجة .. صرقعينو .. مرجوجة في منتهى الهدوء .. رزة بس رجة .. خوياتنا اللي بثالث متوسط ..

وتطووول القائمة .. بس هذي النك نيمات التي تحضرني في هذه اللحظة ..

يعني لحد يزعل ويقول ما قلت اسمه ..

خخخخخخخخخخخخخخخ صدمه صووح ؟؟

انتو اللي سألتوا ..

::

12_ هل كنت ضمن شلة ولا كنت لحالك ؟
تكلم لنا عنها : اسمها .. كم عددها .. هل كنت القائد فيها .. شله قويه ام ضعيفه ؟

هههههههههههههههههههههه ..

بالله تخيلوا نهى بلحالها .. خخخخخخخخخخخخخخخ ..

أنا تقريبا كل السكول صديقاتي ..

طيب بالمتوسط كنا أربعة .. وبعدين أنا خشيت بأربعة ثانيين وسحبت على الأربعة الأولين لحدوث انقلابات على النظام السياسي في الشلة !!!!!!! << وربي مدري شلون طلع هالحكي ..

المهم الشلتين هذولي اجتمعوا .. وعليكم الحساب .. بس عمووما أنا الحمد لله ما كنت بفصل إلا والبنات فيه مترابطين كلهم .. يعني كلنا قروب واحد .. عشان هيك ما ودي أترك السكول .. وربي قهر ..

الله يعين بس ..

::

13_ هل اكملت الدراسه الثانويه ؟ انك لم تكملها طلعت وكنت باي صف ؟
أسباب تركك للمدرسه ؟

خخخخخخخخخخخخخخخخخخخخخخخخ ..

يا دييييين الله ..

وربي بديت أحس إني قاااااااااطه !!

<< بدري ..؟

لا ما تركتها .. وإن شاء الله ما رح أتركها .. ما بقالي إلا الشهر هذا يا عاااااااااالم ..

افهموني بئه !!

::

14_ هل كنت من محبي الغياب ؟ كم أطول فتره غبتيها ؟ ما أكثر شيء أفتقدتيه أثناء الغياب؟

يا دين الله .. جينا للسؤال المحرج ..

أنا بحياتي ما أغيب .. طيب ..

أبدا أبدا .. حتى إذا زكمت أرووح ..

بس أغيب إذا توفرت الشروط التالية : زكام + صداع + كحه + سخونه + احس اني بطيح اون ماي فيس + أفكوووووورس وهو الشرط الأهم توسلات بابا لي إني أغيب !!

حتى كنت ورب البيت إذا غبت أغيب يومين من التعب ..

وكل البنات كانوا ينكتون علي لأني ما أغيب ..

بس ألحين خربت ..

صارلي يومين غايبة كما ذكرت آنفا ..

بس بابا اللي قالي عادي تبين تغيبين غيبي .. وأنا وخشتي أقوله أفكر ..

قالي غيبي ما عندك اختبارات .. يوم دقيت عليه قلت له خلاص بنام عند جداني وبغيب .. قالي : برااااافو عليك !!

وه بث فديتك يا بابا الله لا يحرمني منك .. والله وحشني موووت وهي يومين بس ..

<< للمعلومية نايمة عند جدانها بلحالها .. هي وأختها الصغنونه آخر العنقود .. والباقيين ببيتنا .. ماما مسافره .. وبث ..

أكثر شي افتقدته صقيقاتي والفسحه ..

الفسحه عندي وقت مقدس ..

أسميها صلاة !!

كل ما جت الفسحة أقول للبنات يلا صلااااة صلااااة .. برووح أتوضا !!

وهم يفقعوون ضحك .. صاروا من يوم يدق جرس الفسحة يناظروني ويقولون نووهى يلا صلااااة !! وتشووفوني أناااااقز متحمسه وأرووح أصلي .. اوبس قصدي أتفسح !!

::

15_ ما أكثر موقف حفر في ذاكرتك ولن تنسيه ؟ موقف تتمنين لو تعيدينه ؟ أكثر شيء أفتقدتيه منذ التخرج؟

ممممممممدري .. كل المواقف توحفه .. وكل ذكرياتي بالسكول بتبقى معي طول عمري ..

وربي إنها كل حياتي ..

يمكن تستغربون .. بس من جد أنا هيك انطباعي عنها .. يعني صح انها غثى وكرف ..

ومواد سقيمة وزحمة .. بس تبقى بيتي الثاني ..

وكل يوم وأنا فيها .. وكل يوم أقعد فيها جزء مو بسيط من يومي ..

::

16_ شي حابة تخبرينا فيه ؟

ادعولي إن الله يشرح لي صدري وييسر لي أمري .. لأني مرررررره خايفه من اختباراتي النهائية ..

للحين ما استعديت لها .. وأحس ما رح يمديني أخلص مناهجي .. وبتجيني حالة ما يعلم بها إلا الله ..

وخايفة من القياس ..

وما صرت متحمسة زي أول ..

ولا لي خلق أذاكر شي ..

والأدهى والأمر إني للحين ما قررت وت أدرس بالجامعة ..

فاا إذا نزلت همتي .. ما عندي طموح يرفعها ..

بس مفكرة بالكليات الصحية ..

وللحين ما عقدت العزم على شي ..

دعواتكم لأختكم نهى بالتوفيق والنجاح ..

والله لا يحرمني منكم كل أبوووكم يا أحلى أعضاااااء ..

والله إنكم صرتوا تمثلون جزء كبير .. جزء مهم جدا جدا جدا جدا بحياتي ..

ثانكس خيتوو عسل ع التوهيقه .. اوووبس قصدي العزيمه ..

وأختار بعدي .. ألووومه لبى قليبها بص ..

الله لا يحرمني منكم ..

سستركم / عروبهـ ..!