السلام عليكم والرحمه
خواتي وأخواني اعضاء
المنتدى حبيت اوضح سبب
ابتعادي عن المنتدى علشان مايكون في لبس في الموضوع
انا سارفت للطايف مدهلان الظروف حدتني على كذا
وياليت أي شخص مايذوق اللي انا ذقته من قلب اقولها والله
انا لما كنت بالطايف لأنه بابا يبني فله هناك وطولنا صارت لنا ظروووف 3 من جماعتنا توفو الله يرحهم وهالشي خلى الإجازه مررره زفت يعني مو زي العاده زواجات بدون طق واشياء كثيره بس المشكله الأعظم اللي حطمتني وكانت بتسبب بدخولي المستشفى
انه شريحتي احترقت وما قدرت اواصل صاحباتي الا بالماسنج ركبته بجوال امي مرررررررره كنت رايحه الشفا هذا يوم الأحد أخذت جوال امي اشيك على الماسنجر
لقيت صديقة عمري مدى عمرها 22 سنه ارمله
عندها بنت اسمها سميه عمرها 5 سنين ولد اسمه علي عمره 3 سنين الله يخلي علي لها
المهم سلمت عليها وكذا قالت لي ان سميه تسأل عني ومن هالكلام وهي لما كانت تحط صور سميه بالماسنج اسرقها على طول سميه كانت مثل بنتي وأكثر والله
لأني مسنتره عندهم بالبيت دايم وأذكر كل مارحت لهم سميه اللي تفتح لي الباب وتناديني بإسمي
يعني أيام
المهم سالت مدى وينك فيه قالت في بيت جدتي وقالت لي دلوووعه انا ضايق صدري مأدري ليش هذا يوم الأحد كان قبل 3 اسابيع جلست اهديها شوي واستأذنت علشان بأطلع
يوم الثلاثاء قررنا نرجع الرياض في الطريق امي وأخوي كانوا يتساسرون ماأدري وش عندهم وانا زي الأطرش في الزفه كانت توريه مسج وأختي اللي باول ثانوي ضايق صدرها بعد ماعرفت وش عندهم
ماعلينا الطريق كان طويل بالسياره رجعنا ابوي جلس بالطايف يكمل شغل البيت
اول ماوصلنا الرياض طلبنا من كنتاكي عشاء
وجلسنا وريحنا وصلنا يمكن 11 ونص
واستغربت من معامله امي لي مرره ماقالت لي شي ساكت اطالعها اشوف في عيونها حزن مافهمت وش فيها
المهم جلسنا عالتلفزيون الريموت كان معي طبعا
شوي الا امي تقول جهزي نفسك بكره بنزور ناس انا طبعا استغربت وقلت تمزحين انتي تونا واصلين
سكتت وبعيونها الحزن
انا مافهمت وش صاير
شوي الا تسألني عن مدى متى آخر مره كلمتها
استغربت قلت لها نسيتي شريحتي احترقت من اسبوع وآخر مررررره ماسنج كلمتها من جوالك
امي سكتت شوي ورجعت جابت الطامه
سألتني سميه بنتها فيها شي تعبانه من شي
ناظرتها ماأدري كيف كان شكلي
شوي الا تبكي امي وخواتي يبكون طلعت فوق لغرفتي طبعا حالتي لاكانت تسر لاعدو ولاصديق الله لايذوقكم اللي ذقته
سميه هذي وش اقول كانت شي مو طبيعي بحياتي وربي قطعه من قلبي
طبعا امي جتني وخواتي يحاولون يهدوني ماقدروا جاني مثل الإنهيار
من كثر مابكيت نمت بعد ماقروا علي القران
امي طبعا قد كلمت مدى وامها من وراي
انا العصر جهزت نفسي علشان نروح لمدى نقوم بالواجب اول ماشفت بيتهم خنقتني العبره لان اللي كان يفتح لي الباب هو سميه الله يرحمها وماعاد فتحت لي
امي هدتني
دخلت مجلس النساء شفت مدى بالزاويه جنبها حريم كبار سلمت عالموجودين كنت بأدور مكان اجلس فيه انا وامي بس مدى بعدت الناس اللي جنبها تبيني اجلس جنبها
اول ماجلست قالت لي كيف توفت سميه واتوقع انكم قريتو ا عنها يالجرايد
سميه يوم الأحد لما كلمت مدتي توفت ليش لأن كان بأسنانها خراج ودها لعياده بالعليا يعالجونه
راحوا مشي لأنه قريبه مره سميه اختارت فستان ابيض ومدى ليلتها السبت تقول لما كنت انومها سألتي سميه وين بابا قالت لها مدى بابا بالجنه
قالت ايش في الجنه في حلاوه >>بكل براءه تقولها
قالت لها امها ايه حلاو كبير والعاب وكل اللي تبغينه
قالت سميه: اجل خلاص بروح عند بابا والجنه بأروح عند ربي
امها قالت اللحين لا لاكبرتي
قالت سميه من قال انا بأكبر اصلآ؟>>سبحان الله وربي معجزه حاسه البنت
المهم
جا اليوم الثاني الأحد
جا وبيروحون للعياده
سميه اختارت تبي فستانها الأبيض
امها قالت ماراح تشوفين احد
قالت سميه وعلى فكره تراها ذكيه على صغر سنها
لا بأقابل احد وش دراك
ماعلينا
البنت راح مشي سميه تصارخ خل نرجع يماما
وامها لا لازم نوديك المستشفى
وصلو
الدكتور كثر جرعت البنج النذل
لانه يحسبها دمله جلس يحفر في فك البنت وزاد جرعه البنج والمشكله انه ماكان الا خراج
البنت شوي ويغمى عليها وجلست تهذري
وقالت ماما اقري قران راحت مدى تقرا المعوذات وسميه تقرى معاها
شوي الا تقول سميه ماما بوسيني
كأنها عارفه انها اخر مره
ومدى تحكي وانا دموعي ماوقفت
كأنها سيل
بعد ماباستها توفت
حاول الدكتور يسوي لسميه انعاش
فوق الربع ساعه مدى طاحت جنب السرير محاطه راسها عليه
تخيلو تشوف بنتها ميته قدامها تشوف بنتها تصارع الموت
هالشي هو اللي ذبحني وخلاني ابتعد كل البعد عن الأشياء الثانيه
وهالشي خلى اهلي ياخذون الابتوب حقي لانه صور سميه فيه ومسحو كل حاجه
ياليت بعد كل هذا تعذروني ماكنت بأقول وأ€ضفض الا بسبب حيرة الكل عن ابتعادي
ولكم مني العذر والسموحه دام طولت عليكم والله الشاهد اني وانا اكتب الموضوع دموعي في عيوني
أختكم دلوووعه أنا
الإهداءات
.gif){kind=icon}
سبب ابتعادي عن المنتدى طول هالفتره
العرض العادي
