** الركب الورديه .. من الاحلام الورديه لكل فتاة سعوديه **

سعوديه مسكته · 06-09-2007, 08:55 PM

** الركب الورديه .. من الاحلام الورديه لكل فتاة سعوديه **

طبعا معروف أن الركب السود علامة الجوده السعودية ( تخصص صبايا )

طيب والشباب؟

(الشباب اصلا وجيهم ركب )

وش رايكم فيني يا بنات << والله يا انتس بتنجلدين خخخخخخخخخخخخخخخ

********************

احداث القصة عبارة عن احدي الاخوات تحكي معاناتها مع ركبها السود

واحلامها المستقبلية لوضع السوق

اقصد وضع ركبها على المدي البعيد ( وين التصنيع ) ...

فتقول والله يعيني على ماذا تقول :

يوم كنت صغيره كنت دايم ابلش امي

يمه ورا ركبتي مهيب مثل ركبة هيله بنت خالتي بيضا تلق

(هيله طبعا وحده من خيالي ولا اصلا مافيه ركبة سعودية بيضاء الا بعد عام 2076م حسب ما افاد به علماء ناسا ) .

امي:

روحي قطعي بصل لاتبلشينا

-يماااااه

طيب ارفعي معنوياتي شوي

وترد امي بكل مااوتيت من قوه:

يعني قلّت ؟

مابقى الا ركبتس تبلشين فيها

انتي بكبرتس خلف خلاف

رديت من القهر:

-طالعه عليتس

ولا انتبهت الا ذا الزبيرية اللي تمشي مليون تطبع على خشتي + غير صحن مقاس 2*1.75 لا زال به بقايا بصل يصدم في العاير الايسر لجبهتي مسببا ورمه بحجم فقع الزبيدى اللى يلقا في النعيريه .

وتمر الايام وتمر السنون

وركبتي حالفتن عليها كل يوم تسود عن اللي قبله

لين كبرت انا وكبرت ركبتي وصارت اسود مقلم برمادي

كنت قاعدة مره وحاطه رجل على رجل

وكانت ركبتي تويق

حرمه قدامي تقزني

والركبة عادة اذا سفطتيها (حطيتي رجل على رجل )تنمط وتصير افتح

انا العكس

اي حركه تضرب في المليان

وانا اقز وهي تقز

المشكله مااستحت ولانزلت عينها

وانا مستغربه وش قاعده تناظر

يوم استوعبت وانا اللي اغطي ركبتي بسرعه

وتلفتت على اللي جنبها وتقعد تحش وتضحك

لاحووووول

وش الحل مع هالسواد

فشلتنا هالركبة ( بغيت اروح لماى كار اسئلهم يشفون لى حل )

ماخليت لاكريم ولا فازلين ولا زيت الا ومرغت ركبتي فيه بس مافي فايدة

لين توصلت لخلطة ممتااااااازة

اختي الكريمه

ياام ركبه سودا

هل تريدين ركبة اطلق من ركبة نانسي عجرم وهيفاء وهبي؟

جددي حياتك بهذه الخلطة --- سوف تتغير نظرة المجتمع لركبتك

إليك اختي خلاصة تجربتي مع هذه الركبه

ملعقة فازلين + ملعقتين كلوركس + خمس ملاعق فلاش + ملعقة فير اند لفلي .. ولاتهون موية النار
اخلطيهم مع بعض وادهني ركبتس ..

هي مره وحده بس : بعدها مانتيب لاقية ركبة سودا..

هذا اذا لقيتي ركبة اصلا .

(افرضي الركبة صارت ورديه وش شعورك بالضبط في هذه اللحظه)

طراه بنت ابن عجرم

تقول محدثتنا : من جهتي :

لو ركبي وردية اول شي بسويه بزاعل بعض صديقاتى والباقيات ابتغلا عليهم

(الناس احلامها ملايين وانا ركبة الله يخلف على من جابتني )

ثاني شي بسويه

بسوي حفل استقبال للركب البيض وشرط كل وحده تدخل لابسه قصير

(ممنوع اصطحاب الركب الملونه)

وتستمر في الحديث وتقول(اصلا موب حلو الركبة تكون بيضا (اللي مايطول العنب )

وبعد ذلك ترجع لعالمها الواقعي فتقول لنفسها وعععععع ركبة ذي ولا قلة حيا

اصلا بيكون وقتها الساق والفخذ حيسي بيسي ماتعرف تحدد وين موقع الركبة بالضبط ...

يعني لو ركبتي لاسمح الله بيضا برسم عليها سهم واكتب(هنا ركبة ) عشان مااضيّع مكانها .

بعدين احلى شي .. تلقون درجات الابيض الى الاسود موجوده في الشخص الواحد ..

يعني من كل بحر قطره

ثم توجه سهامها وغضبها على الشباب وتقول

طيب ربنا خلقنا ركبنا سود وحنا راضين انتم وش دخلكم؟

(خشة وحدة منفقعة مرارتها)

اللي موب عاجبه يشرب من البحر,, واللي عاجبه اردى له

والآن ايها الشاب الفاضل
هل تتزوج من ركبة سوداء علما بأن وجهك اخي الكريم عبارة عن ركبه

«®°·.¸.•°°·.¸¸.•°°·.¸.•°®»(يابخت من وفق ركب في الحلال) «®°·.¸.•°°·.¸¸.•°°·.¸.•°®»

================================================== =====
الاخوات العزيزات وش رايكم باخر سطر ...

حشيت الرجال عشان ما يكون فيه ظلم لاحد

ردودكم محل اهتمامنا << ( وين هايبر بنده) .. خخخخخخخخخخخخخخخ

. ومع اني متوقعه التفاهم السلمي في هالموضوع ...

لان والله يااخوات

~*¤ô§ô¤*~*¤ô§ô¤*~العنف لا يولد الا عنفا مساوى له في المقدار معاكس له في الاتجاة~*¤ô§ô¤*¤ô§ô
دمتم بخير وعافية

<<< طبعا لأني فاطسه من الضحك ..

قلت اضحك اللي هوووني ...

**.. منقول ..**

المصدر: منتديات جنون الليل . بلوتوث . صور . افلام . برامج . فلاشات . نغمات . توبيكات . رياضة . برامج . يوتيوب .

Angel Of Music · 06-09-2007, 09:08 PM

ههههههههههههه

يسلمو قلبي

سعوديه مسكته · 06-09-2007, 09:12 PM

Angel Of Music

دووووووم هالضحكه يارب ..

الله يسلمك قلبووو ...

منوووره الموضوع ..

وثــآاآأنكس ع المرور ..

Angel Of Music · 06-09-2007, 09:16 PM

النور بأهلو قلبي

و ويلكم

مـهـاوي · 06-09-2007, 11:38 PM

ههههههههههه

يعطيك العافيه سعوديه مسكته

بعدين بصحح لك معلومه

مو كل السعوديات ركبتهم سودا عندك انا مثلا ركبتي تلق من البياض <<<<< هههههههههههههه ايه هين ههههه

سماهر11 · 06-09-2007, 11:51 PM

هههههههههههههههههههههههههه

وربي موضوع يضحك واحلى شي تحط سهم لو كانت ركبتها بيضا عشان ماتضيعها<< ميته ضحك

بس أنا ملاحظه أننا مظلومين والله....وتم تشويه ركبنا من قبل الاعداء
هههههههههههههههههههههههههه
هيك موضوع ولا بلا..... <<<<<<<< أخص ياللبنانيه

!! P!nK DreaM !! · 07-09-2007, 07:07 PM

نايس مررررررره
حركات خطيرة
تسلمين على سعة الصدر اللي قدمتيها لنا
لاتعليق على الباقي لان اللي حولي يحسبن مجنونة
^:^"

mt3b · 08-09-2007, 01:39 AM

ياحيي والله انت

تبيني اقول ان بنات الغرب شينات وبناتنا مزين

مصخن يالحبيب

انت الله والعالم ماتعرف ديانا توم

الوفــــــا طبعــــــي · 08-09-2007, 03:09 AM

تبين تقنعينا أن الركب السود أحسن من البيض

هين يا أم لثمة

لي يومين مشبه على ذي اللثمة وما طلع معاي الا سع سع يا مال النكد

أجل وجهي ركبة يأم الركب السود ياللي مالك صاحب

يا مال القلق والصفار والهربز والخربز والدول الاسكندنافيه ودول الجوار

والجمهوريات المتفككه من الإتحاد السوفيتي وبلاروسيا وبلاوجع دماغ

وذيك الدولة اللي فكو إسمها لدولتين التشيك وسلوفاكيا وهذي الدولة

بالذات مخولت العم قوقل مخولة ما خلته يعرف ر .... << ايش الهرجة أنا أيش جابني هنا

===============================================

يسلمو بس بس ,,<< لاتجين ما عندي لحمة

يعطيك العافية خيتو

بنت نجد · 08-09-2007, 01:15 PM

مو بس السعوديات كل الدنيا بس هم مسويين تقشير وهل خرابيط

والله لو نقشر ونخربط مثلخن نصير احلى منهم

يسلموا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الإهداءات