طبعا بعد فترة الإنقطاع عن هالمواضيع جبت لكم موضوع فريش اتمنى يعجبكم.....؛
أول شي هالسالفه صايرهـ في عيد الفطر......؛
وموضوعي باين من عنوانه بس مضمونه مختلف...طبعا من المعروف أول أيام العيد يجتمعون الأقارب وفطور أو غداء أو عشاء...محدثكم كان عيده في الظهر (يعني غداء) المهم إجتمعوا عماني وعماتي البالغ عددهم 13 (يعني درزن وحبه مجاني وأعتقد المجاني عمي سعد لأن ما عنده أي هدف غير المغازل وإذا شافني يسألني معك أرقام بنات...! ) عماني هذولي منهم أخوان أبوي من جدي ومنهم إخوانه من جدتي ومنهم أشقاء (من أم وأبو)....؛
طبعا إخوان أبوي من أبو كلهم رتب يعني لو جدي الله يرحمه حي كان قدروا يسوون حكومه بكل سهوله ....!!
واحد منهم مسؤول كبير في المطار والثاني عقيد والثالث موجه في وزارة التربية والتعليم والرابع دكتور في جامعة الملك سعود وأدج واحد في عيالهم نسبته في الثانوي 92 ولا ويعيارونه الغبي...
أما إخوان أبوي الأشقاء وإخوانه من جدتي فمن جد ما عند أمهم ما عند جدتي يعني لو أحد من عيالهم فكر مجرد تفكير في هالنسبة صدقوني بيسوون له حفله لمدة 600 سنه وبيتوارثونها الأجيال يعني أدفر واحد فيهم ساقط أربع سنوات في المتوسط في مادة الإملاء (أقسم بالله هذي حقيقة) طبعا أنا يوم نجحت من الثانوي وتخصصي علمي بنسبة 69 (نعم 69 لا تستغربون تراني أعتبر نفسي نابغه) عماني الداجين ويا عيالهم أنهبلوا وحطوني الدافور وصاروا يسموني عمي بدال أنا ما أسميهم وخقوا معي وحركتات وكل واحد يموت عشان يزوجني بنته <--سامي شاد اوغلو... بس أنا شايف نفسي شوي (يحق لي جايب نسبه ولا في الأحلام)..
نرجع لسالفة العيد..بدوا يتوافدون عماني وبدت السواليف وبدى النصب المهم ألتفت واحد من عماني الراقين <-قويه شوي..وقال لي هاه بشر يا أبو فهد كم نسبتك...!!
أنا بيني وبينكم أنكبت وقلت في نفسي إن قلت له 69 شب فيني وفشلني وإحتمال يسوي لي حركات بهلوانية بيده..وإن نصبت عليه وقلت 85 بينكبوني عماني الدجه وبتوهق..
قلت مالها إلا أكذب وإن ضبطت تمام....قلت لعمي : نسبتي 85 عماني الدجه ويا عيالهم وأبوي معهم رمقوني بنظرة الكلب الممزوجة بالحقد ونظرتهم زي اللي تقول (قالوا ترا مالك أمل في قربها لو يوم) أما عمي اللي سألني فكان رده : أفا وش هالنسبه المخيسه قلت خلها على ربك جدتي تعبانه وكنت معها في المستشفى بعدين أنا تأثرت نفسيتي عشان رهبة ثالث ثانوي..
طبعا عماني الدجه حقدوا علي وبغيت أتشوت بس ربك ستر..قال عمي الراقي : عبدالإله ولدي تخرج من الثانوي هالسنه بس نسبته ماش مهوب مثل أخوه..قلت أنا : ليش كم جايب...!(أنا قلت ألحين بيقول 79) قال : نسبته 94 طبعا أنا قلت ما شاء الله وسكت... سكت عمي وأناظر ولد عمي اللي ساقط في الإملاء وأقول في نفسي (الله آبوك شف النسب موب إنت يوم جبت شهادة المتوسط بغى يجي أبوك شلل في براطمه من الفرح)......!!
طبعا تغدينا وبعد الغداء صادف إني أغسل يدي مع أبوي قال أبوي : أجل 85 قلت : أجل تبيني أطيح وجهك عند الرجاجيل... قال : والله أني داري من جابتك أمك وأنا أقول بركة منه إن عرف يقرأ ويكتب... قلت : ليش يوم أجي على هالدنيا مكتوب على يدي دلخ مع سبق الإصرار والترصد قال : لا لأن فترة حمل أمك بك 6 شهور يعني مستعجل على الدشرة والسربته....
وتدري يا سامي لو إنك جايب 85 لأكتب كل أملاكي بأسمك قلت : إرفق يا أملاكك يا بيل قيتس كلها إستراحه وتجوري ما فيه إلا رصاصتين وجوازات والجمس وطيب من أبو ريالين بس إنت عشانك ضامن إني منب جايبها قلت هالكلام ولاحظ إنك ما قلته إلا يوم تخرجت قال لي يعني بتقنعني لو قلته لك قبل التخرج بتجيبها قلت : موب كذا بس أقلها أرفع نسبتي إلى 72 قال : أقول أمش بس ولا يكثر وطلعنا وأنا أجر أذيال الهزيمة <- أقول إطلع وإنت ساكت قال أيش قال أذيال الهزيمه.....
عاد هالكلام عيد الفطر وانتظر عيد الاضحى مع نصبه جديده وترا كل هالموضوع نصبه
عليك سالفه ختيييره
واهم شي اخر جمله
الموضوع كله نصب
بس تصدق والله انك طلعت اشطر مني يالدافور
69 وعلمي ما شاءالله عليك
وربي لو اقولك نسبتي ولا بعد علمي إللي يشوفني داخلته يقول دافور وانا من جنبها
بس بجد لو تعطيني نسبتك ذي وربي ان اهلي يطيرون من الفرح يقولون اخيرا شفنا نسبه زينه
بس عاد الله يصلحك انت ما عندكم حركات التزوير <<بخربك
عليك موضوع فلـه من جد
وننتظر موضوع نصب لعيد الاضحى
ربي يعطيك العافيه
بــــــــــــــــس أبــــوي عرف كيف يلعبهـــآ وودـآني أقرب بعثـــــه
وطبعـــــاً يآقلبي أبوي من حبه لي أرسلني الى بـآريس قصدي السودـآن
بس والله أنك دـآفور
أمـــآ 69 انـآ 71 وابوي ذبح لي ذبيحتين وعزم أخويـآي الي كـآنو بفصلي < والله من النصب
التوقيع
عندمـآ تقـع الأعين بجهـآز التلفـآز
وترى الذين يقتلــون من أخـوننـآ المسلمين
بهذـآ الوقت تقـآس درجة الأيمـآن عندك
تكفى منك دمعه رحمه لأولئك المسـآكين
والمنكوبين بمشـآكل سيـآسيه . أو سـآهم بنصرتهم
ولو بالقليل أو بدعـوه بأخر الليل كمـآقـآل الله جل وعلا أدعوني أستجب لكم
رع رع بين الدوافير والداجين....!! 
) عماني هذولي منهم أخوان أبوي من جدي ومنهم إخوانه من جدتي ومنهم أشقاء (من أم وأبو)....؛.gif "SnipeR (33)")
طبعا أنا يوم نجحت من الثانوي وتخصصي علمي بنسبة 69 (نعم 69 لا تستغربون تراني أعتبر نفسي نابغه) .gif "SnipeR (1)")
عماني الداجين ويا عيالهم أنهبلوا وحطوني الدافور وصاروا يسموني عمي بدال أنا ما أسميهم .gif "SnipeR (16)")
وخقوا معي وحركتات وكل واحد يموت عشان يزوجني بنته <--سامي شاد اوغلو... بس أنا شايف نفسي شوي (يحق لي جايب نسبه ولا في الأحلام)..
.gif "SnipeR (54)")
.gif "SnipeR (87)")
.gif "SnipeR (89)")
.gif "Eh S(2)")
.gif "SnipeR (43)")
.gif "SnipeR (69)")
