قصه واقعيه رووووووووووووووووووعه

قصه واقعيه ... روووووووووووووووعه


--------------------------------------------------------------------------------


القصه واقعيه ...

بطلتنا أسمها (وجدان)
طالبه في ثالث ثانوي
نحيفه وتميل للسمره ومملوحه شعرها أسود وناعم...
ملامحها جذابه وأحلى مافيها كشختها _
ملاحظه : وجدان هذي تعرفت عليها في زواج عمي وأعجبتني حيل وأرتحت لها ... وخذيت رقمها ...
ومع الأيام والمكالمات ... أقنعتها تنقل لمدرستي بحكم إننا في ثالث ثانوي وهالسنه لازم نجيب معدل" وقعدت أمدح معلماتي لها "
المهم إن وجدان أقتنعت بس أمها عنيده شوي " ماوافقت أو نقول متردده ...
رحت لأمي وقلتلها تروح لأم وجدان وتقنعها ... وأمي ماعندها مشكله ... عبايتها معلقه بالباب ...
أتفقت مع وجدان نجيهم يوم الأثنين ...
وصلنا لبيتهم على توصيف وجدان ... سلمنا ودخلنا البيت وجلسنا عندهم إلى المغرب " الظاهر إمي أعجبتها القعده "

جلست عند وجدان بغرفتها "
وضيفتني من أحسن مايكون


المهم طلعنا منهم ورحنا بيتنا عقب ثلاث ساعات من إقناع أم وجدان "

أمي أرتاحت لهم كثير " خصوصآ إنهم شمامره يعني من قبيلتنا "
للمعلوميه أنا أسمي ريم ويدلعوني ريوم "" حلوه ومزيونه "" وأكبر دليل إني الحين بصف ثالث ثانوي وجوني ثلاث خطاطيب "" _بس أهلي رفضوا بحجة إني صغيره عالزواج وأدرس [ألعن أم المدرسه اللي خربت علينا]ههههه

شكلي نسيت سالفة وجدان وبديت أمدح نفسي ... ههههههه

المهم عقب 6 أسابيع من بداية المدرسه عشتها مع وجدان ... حسيت إن الكل بالمدرسه وده يحاكيني عشاني صديقتها ..._وناااسه...
حتى المدرسات إذا كنت مخالفه أو مهربه من الحصه .. يقلن لي : توكلي على الله تشفع لك صديقتك وجدان ...

أنتم الحين تحسبون وجدان شاطره ومؤدبه وهاديه

هي صحيح شاطره و[دافوره] بس من ناحية الأدب فـــ لا وألف لا ... بس ألعن شكلها محظوظه ... المدرسات يحبنها كثير لأن أسلوبه طفولي مره وشكلها بريئه .. وهي من تحت لتحت ... والله العظيم إنه تهرب من الحصه أكثر مني ... وتخالف أكثر مني ... حتى المعجبات تمشي معاهم أكثر مني ... مع إني أجمل وأحلى منه ...<وحده منقهره>ههههههههه


المهم وجدان لاحظت إن وحده من البنات تلاحقها وتوزع أبتسامات ... ووجدان ماعندها مشكله قعدت ترد لها بنفس النظرات " أصلآ وجدان تعتبر حب البنت للبنت كله لعب بلعب "لأنه عندها سد فراغ بالمدرسه"أما بالبيت فــ الحاله تختلف لأن وجدانوه تحب (محسن) ولد خالها " محسن اللي كانت وجدان تقول عنه إنه مزيون ومملوح " وهو ماشاف من الزين ولا شئ"
بس مقيوله : القرد بعين أمه غزال كخ كخ كخ

بس فيه حاجه تعجبني فيه هالمحسن هذا ... إنه نصراوي موت ... وأنا من عشاق النصر وأموت بـــ (سعد الحارثي)
يعني أي خبر تبينه عن النصر تلقينه عندي ...
والمشكله إن وجدان ماتحب الكوره ولاتعرف شئ عنها __ وحاولت وبذلت قصارى جهدي أقنعها تتابع أي مباراة بس مانفع _
وفي يوم من الأيام كانت مباراة بين النصر والهلال _ وبحكم إن أهل وجدان كلهم نصراويين ماعدا شيخه وتركي اللي متعصبين للطائي<أنتماء للمنطقه>هاها
أضطرت وجدانوه تتابع المباراة _ وفعلآ تابعتها وأعجبتها وكل دقيقه تدق علي تسألني وش رأيك بهالهجمه وش رأيك بهاللاعب ومن هالكلام اللي تقول أي بنت لما تتابع مباراة /المهم إن البنت رفعت ضغطي بس تتصل ماتهنيت بشوفة الحارثي _ وبعد المباراة حصل ماكنت أتوقعه __ وجدان هالخاينه اللي صار لي شهر أعلمها تشجع النصر _صارت الأخت هلاليه والعياذ بالله __

المهم // مرت الأيام وتوالت العصووووور هاها
وفي يوم من الأيام _ كانت عزيمه عند أهل وجدان _ وبما إني صديقة وجدان الوحيده _ عزمتني أنا وأهلي _ ورحنا لهم أنا وأختي شهوده وأمي<ماقلت لكم إن عبايتها معلقه عالجدار هههههههه>بصراحه ماعمري شفت أحد يعلق على أمه مثل تعليقاتي عالمدام _ بس عادي أمون عليها صار لي 19 سنه وأنا معاها بنفس البيت _هههه_(وحده مصرقعه)

المهم رحنا العزيمه وحنا قاعدين نقلط العشاء (صار لي موقف لا أحسد عليه)
أكيد كلكم تعرفون النوافذ اللي بالنهار شفافه و بالليل تشوفينها مرايه .. وأنا ياغافلين لكم الله _أول مره أشوف هالنوافذ_ قاعده ساعه أتمرى بالمرايه وأزين شعري وأضبط فيه كلكم تعرفون حنا بشهر رمضان والناس تتعبد لله _ حتى شعري أبى إلا أن يصلي التراويح _ والمشكله إني أحط عليه مشابك ،، شباصات وماينفع واقف واقف (الظاهر إنه كان خاشع بالصلاة)ههههههه أكيد عرفتوا الحين ظروف شعري _ يعني ماله داعي أقولها وأجرح مشاعري _إهئ إهئ إهئ _
المهم عقب كل هالوقت قدام المرايه _ جتني مرة خال وجدان وسحبتني مع شوشتي _ تحسب إني قاصده آقف وأترزز قدام الشباب _ وأنا والله مادريت_وشرحت لها الموضوع وتيسرنا لبيتنا بعد عناء طويل عقب ماخلينا شغالتنا عندهم تساعدهم _ وجيت البيت لقيت المطبخ محيوس علي _
قلت هووووووب أبغسل المواعين _ وتذكرت شعري المستشور _
ملاحظه /أمي تمنعنا ما نستشور شعورنا يعني(ناعم خلقه)هاهاهاها
أمي تقول إن الأستشوار يخرب الشعر __
(عاد من زين شعري الحين)
هي خاربه خاربه !! خلينا نعميها !!
بس هالمره سمحت لي بحكم إننا رايحين عزيمة أهل صديقتي
(ومن يدري يمكن الخاطب الرابع يكووون منهم هاهاها)

يعني أنا إذا أستشورت شعري أحس نفسي ملكه _عشان كذا قررت أتواضع وأغسل المواعين_وأخلي شعري يتعبد لله ويصلي القيام ومن يدري يمكن يوافق ليلة القدر ...


مرت الأيام والأيام والأيام ... وحسيت إن وجدان رفيقة دربي متغيره حيل ... يعني ماعادت تسولف وتضحك مثل أول ... وماتسولف بمحسن حبيب القلب ...
شوي شوي لين صارت البنت ماتكلم ولاترسل ...

قلت لأمي إني بروح عند وجدان ... وأمي كالعاده عبايتها معلقه على الباب(يعني ماعندها أي أشكاليه)
رحنا لبيتهم ودخلت أمي المجلس مع أم وجدان وأنا على طول صعدت لغرفة (وجدان)
طقيت الباب ولا فتحت _ وطقيته ثانيه وثالثه ورابعه ولا فتحت _ فتحت الباب لقيتها تصيح ودموعها أربع أربع _
دخلت الغرفه وضميتها بقوه وأنا أسألها : وجدان شفيك ليه تبكين ؟؟_ ولما ضميتها زاد صياحها مره_ وقعدت تبكي وتقول (أحبكم كلكم والله كلكم)
أنا لما سمعتها تقول كذا ____

فجأه
وبدون سابق إنذار _ شاركتها الدموع وسوينا فلم هندي ولا أروع __ دخلت علينا (أسما)أختها الصغيره ___ وأنا لما شفتها رحت وقفلت الباب عشان ماحد يدخل __ ولما ألتفتت لوجدان شفت شئ حطته تحت الوساده وقعدت تبكي __ وأنا إلى الحين مو فاهمه شئ من صياح وجدان __
ومع إن اللي بيني وبين وجدان أقرب من الروح للروح __بس ماسألتها عن اللي تحت الوساده__ لإني عارفه وش بيكون _ أكيد صورة (محسن)

قربت لها ومررت بيدي على شعرها وقلت لها
(وجدان ياحيي شنوحك)
ليه تصيحين _ أنا ضايقتك بشئ أمانه قوليلي بس مابي أشوفك بهالحاله _ وجدان أنتي تدرين شكثر أنا أحبك وإني ما أرضى باللي يزعلك _ ولا عمري سويت شئ يضايقك _أنتي تدريــــــــــــ!!!!!

قاطعتي وجدان بصوت مبحوح وهي تصرخ (مو منك ياريم مو منك)

ياربي وش السالفه
مره تقول :
(أحبكم كلكم والله كلكم)
ومره تقول :
(مو منك يا ريم)

صرخت بوجهها وقلت :
وجدان فهميني أنتي شفيك _

وهي تطالعني وتبكي ومبين عليها إنها تبي تتكلم بس مهي قادره _

أنا خلاص ماقدرت أحتمل صياحها اللي قطع قلبي _ فــ قمت وحطيت يدي على فمها وأنتظرتها تسكت _


رفعت راسها تطالعني ولما شفت دموعها _بكيت وقلت وجدان حبيبتي أنتي ليش تتهربين مني هالأيام _
أنا مضايقتك بشئ_فضفضي قولي اللي بقلبك ياحيي لاتعذبيني _


هدت وجدان ولما سكتت عن الصياح _ شلت يدي من فمها_
أنتظرها تتكلم __
سكتت فتره بعدين قالت :

(محسن يحبك ياريم)

أنااااا .......خلاص تبلدت كل أحاسيسي وماقدرت أتكلم من الصدمه ............

ألتفتت وجدان لجهة النافذه وقالت _
_ إيه يحبك ويموت فيك _
أنا سمعت أخوي بسام يكلمه ويسولف له عنك !! سمعت كل شئ !! هو يحبك من زمان ياريم !! ورجعت تبكي من جديد _

للمعلوميه : محسن مايدري إن وجدان تحبه من زمان ....
هي حاولت كم مره توضح لأخوها بسام ..... بس ماتدري إذا بسام درى أو لا ... حتى وإن درى ماتدري هو علم محسن أو لأ ..
عشان كذا محسن ... تعلق فيني من زمان ... على قولة وجدان والله أعلم ...


نرجع لموضوعنا !!

وقفت قدام وجدان وقلت لها :
وأنتي على طول بدون ما تتأكدين ... يمكن ماكان يقصدني ...

صرخت ريم وسحبت صورته من تحت الوساده وهي تبكي وتقول ... (حقير _خاين )

وأنا أحاول أهديها ... وفجأه يطق الباب ...
(الخدامه تقول إن أمي بتمشي)

ضميت وجدان لصدري وقلت لها :
تأكدي يالغاليه إن لامحسن ولا غيره يقدر يفرق بين أحلى توأم روح ... يالله عاد أنا بروح الحين وردي على مكالماتي مو تطنشين ...
هاه عاد أمسحي دموعك ولاعاد أشوفها مره ثانيه ... باااي ياحلوه ...

طلعت وبعد ماوصلت البيت قعدت أفكر بكلام وجدان ..

هو صحيح محسن يبيني ...
ليش !! ومن متى !! ومتى شافني أصلآ !!

حاولت أتذكر يمكن بسام شافني مره بالغلط !! وقال لــــ محسن _ لكن _ أنا دايم ماأشوف إلا تركي هو اللي مرابط بـ البيت بحكم إنه عاطل باطل ،، لاشغل ولا مشغله _
معقوله تركي هو اللي علم محسن __
لااااااااااااا مستحيل _ تركي كبير وعاقل _ و ماله بحركات المراهقين هذي __
إف من بيكون يعني __

وفجــــــــــــأه !!!!
تذكرت _ النافذه اللي حسبتها مرايه _ ووقفت ساعه قدامها (أنتظر شعري المصون يخلص صلاته)
مافيه غيرها هالنافذه _
بس النافذه كانت تطل على الحوش والرجال كانو داخل المجلس __ إف والله بلشه __
وإلا إمه وخواته أعجبتهم بالعزيمه(يوم أستشور شعري وأصير ملكه)
آآآها !!!
بس المشكله إن محسن ماعنده خوات __
وأمه عجوووز __يالله تطالع عصاها __ والله بلشه __

قطع تفكيري إتصال من وجدان __


أنــــــا : ألو
وجدان : هلا ريم
أنــــــا : هلابك _ هاه وش صار لايكون لهالحين تصيحين _
وجدان : إيه
أنــــــا : أفا _ وأنا وش قلت لك
وجدان : غصبن علي ريوم والله مو بكيفي _
أنــــــا : ؟؟؟؟؟؟؟؟؟؟؟
وجدان : ليه ساكته
أنــــــا : أفكر بكلامك
وجدان : إي كلام
أنــــــا : يوم تقولين (محسن يحبك ياريم)
وجدان : ريم الصراحه أنتي تبينه
أنــــــا : صاحيه أنتي
وجدان : إيه صاحيه _ قولي الصراحه
أنــــــا : أولآ _مستحيل أفكر بشخص كان ولايزال_حبيب أعز صديقاتي _
وجدان :ثانيآ _
أنــــــا :لأنه بصراحه وبدون زعل (شين) هاهاهاها
وجدان : طيب شسوي الحين
أنــــــا : تأكدي
وجدان : شلون
أنــــــا : خليها علي
وجدان : وش بتسوين يعني
أنــــــا : شوفي أنا بكرا بروح السوق وأشتري شريحة بدون أسم _ونلعب عليه ونشوف ردة فعله_
وجدان : طيب وبعدين
أنــــــا : بعدين نستدرجه لين يعترف
وجدان : يعترف بإيش
أنــــــا : بحبك ياخبله
وجدان : وأنتي شدراك إنه يحبن
أنــــــا : أكيد يحبك خصوصآ إن بسام شاك فيك ومحسن صديقه الروح بالروح وأكيد يدري
وجدان : طيب الحين شسوي
أنــــــا : سكري السماعه لأني دايخه وأبي أنام
وجدان : طيب يالنوامه تصبحين على خير_ولاتنسين الشريحه
أنــــــا : وأنتي من أهله _ باي
وجدان : باي



عقب ماسكرتها من وجدان قمت أفكر بمحسن الخبل _ ومادريت إلا خخخخخشششش وغطيت في سبات عميق _ _

قمت على صوت الشغاله الله لايبارك فيها هي وخشتها _ خرعتن _ خوش صباحيه _

يعني أمس عشت بفلم هندي مع وجدان _ _ والحين فلم رعب من بطولة شغالتنا الشينه _ _ هاهاها

قمت أتوضأ وأصلي ونزلت المطبخ أدور شئ آكله _ _
وعلى دخلتي طلعت بوجهي (بسسسسه) وعلى طول شغلت ونانة الصراخ _ _ وااااواااا يمممممه

وأروح يمين تروح يمين _ أروح يسار تروح يسار _ ومن غباي إني واقفه بالباب __
يعني من وين تطلع الآنسه بسه _

ولاحظت إنها مهي زي كل البساسه يركضن بسرعه _ _ بالعكس هذي هاديه ومبين عليها إنها مصدومه من حبيبها البس _ _ أخس يالبساسه حركات _ _ الظاهر إنها محتاجه جو رومانسي قدام زبالة مطبخنا _ _ فقمت وطلعت وسكرت الباب _ _
وجبت لها صورة بسه من كتاب العلوم حق وليدوه _ _ ودخلتها من تحت الباب _ _ وقمت أشغل بجوالي أغاني حزينه _(إخس يالنذاله) _ بس مبين عليها ماتأثرت بالأغنيه _ لأنه ماتفهم لغتنا _

فقمت وحطيت موسيقى حزينه بدون أغنيه _ _ وقعدت أغني مع الموسيقى : ميو مييييووو آآآآآه يا ميو _ _ ميو ميو _ وآه ياميو ..
الصراحه الأغنيه نجحت كثير _ والحين أفكر إني أعرضها على قناة روتانا _ هاهاهاها

المهم / من شدة تأثر البسه بالفيديو كليب ... شكلها تبي تنتحر _ لأني أشوفها معلقه راسها بالزباله من فوق وتصييح مييي_و _ وفجأه دخل الفارس الملثم (حبيبها البس) ومن زود الرومانسيه قعدوا يتضاربون ويتكافخون _ والبس يصفقها كف وهو يصارخ : مييياااااو _

آآها الحين عرفت القصه وهي إن البسه أكيد طالعه مع حبيبها _ وشافها أخوها بالصدفه _ وهجت من المكان وجت لزبالتنا تبي تنتحر _ _ واللي دخل قبل شوي أثريه مو حبيبها _ هذا أخوها جاء يكفخها عشانها طلعت مع البس هاهاهاها وأنا أشوف البسه ماتأثرت بالأغاني _آثريها وينها ووين الأغاني منخرعه من أخوها _ _ إخس يالبس خايف على أخته _حركااات

المهم _ _ رحت أبعدت عن الباب وطلعت من المطبخ أتحراهم يطلعون _ _ وهالمره جبت شهوده و وليد و علي_ أخواني الصغار _

وخليتهم يتابعون نهاية الفلم _ _ جلسنا نص ساعه نتحراهم ولا طلعوا _ الظاهر لهالحين يتكافخون _ (يحول يالبسيسه) _
وبعد نص ساعه _ طلعوا

البس يجر البسه مع شوشته وهي تصيح _ وقلت لأخواني (هذا اللي مايسمع كلام أخته) هاهاها

وبعد صلاة العصر رحنا السوق _
عاد أنا مانسيت الشريحه شريتها _
وأنا بالسوق شفت بسه جالسه مع بس ويسوون حركات (ماتستحي قدام الناس) كخ كخ كخ
ومريت من عندهم ولاتحركوا _
(الظاهر نايمين بالعسل وداخلين عالم ثاني)
رميت (رضمه) يعني (حجره)للي مايفهمون اللهجه الحايليه _
ولا تحركوا _ فقمت وقربت لهم وقلت : أستحي على وجهك يا بسه المفروض تغطين وجهك مو قاعده مع هالبس _ _ بس الشرهه مهي عليك _ الشرهه على أهلك اللي واثقين فيك وخلوك تطلعين لحالك _ _ كخ كخ كخ (وحده مصرقعه)

آآآخخخخ بس لو يشوفها أخوها ويصير لها مثل ماصار للبسه اللي بمطبخنا _ _ (نذله) هاهاها

بصراحه أنا مدري وش بلاي
على البساسه اليوم _
المهم طلعنا من السوق ورحنا البيت وبعد المغرب أتصلت بوجدان تجيني البيت_ وأستغليت غياب أمي عند جيراننا _ _ عشان الحريم مايخربون الخطه علينا ..
جتني وجدان بدون أمها _(هذي المره العاقله) مهي أمي اللي ماتشوفين إلا غباره _ تقل حصان وسط معركه _ كخ كخ

المهم / دخلت الشريحه بجهازي

والفايده من الشريحه هي إنك إذا تبين تراسلين حبيبك وخايفه يعرف رقمك _ خصوصآ إن كان يقرب لك _

بس أشتري شريحه ب 45 ريال ودخليها بجهازك إذا بغيتي تراسلين الحبايب _ _ وبعد السوالف طلعيها وحطي شريحتك الأولى و لبديها بمكان سري _ ولا تعلمين أحد عنه _ ولا من شاف ولا من درى _
(شفتوا التخطيط)

المهم حطيت الشريحه الجديده بجهازي _ وأرسلنا رساله لمحسن كتبنا فيها :


ياما ترددت مدري كيف أبشرح لك _
أجيك وأرجع أبيك تقول وش جابك _
ياإبن الأوادم ترى مليت ألمح لك _
أنا أحبك وأعزك وأعشق تراااااابك _

m,,,w


والظاهر إن الأخ مفلس عشان كذا أرسل كول مي _ _ وجلسنا ساعه نسوي تفعيل تحويل الرصيد _ _ وأرسلنا له 10 يحمد ربه

بعده على طول أتصل (شباب حايل ماعندهم تفاهم) كخ كخ
وقعدت وجدان تبكي يوم شافت رقمه _ _
وسكرنا الخط في وجهه _ _ بعدها أرسل : من أنت يا ورع ؟؟

وكتبنا له رسالة :

_ حبايب _

وأتصل محسن مره ثانيه وسكرنا في وجهه _ بعدها أتصل وسكرنا في وجهه _
قلت لوجدان : الحين إذا إتصل نبي نرد عليه _ وما حنا متكلمين بنشوف وش عنده _

أتصل محسن ورديت أنا


* أنــــــا : ؟؟؟؟؟؟؟؟
* محسن : ألو
* أنــــــا : ؟؟؟؟؟؟؟؟
* محسن : رد
* أنــــــا : ؟؟؟؟؟؟؟
* محسن : من أنت و وش تبي

أنا بصراحه قررت أخرب الخطه وأصارح محسن

* أنــــــا : مرسول الحب
* محسن : وشو
* أنــــــا : شوف محسن أنــــــا أببـــ
* محسن : بعد تعرفين أسمي
* أنــــــا : شوف محسن أنا أببدأ كلامي بالصراحه
* محسن : قولي شتبين
* أنــــــا : محسن قبل لا أتكلم أبيك تروح لمكان لوحدك
* محسن : أخلصي ماعندي أحد
* أنــــــا : محسن أنا أعرفك زين من صديقتي اللي تموت فيك
* محسن : أي صديقه
* أنــــــا : محسن سكر الخط وأنا أبتصل عليك لأني مطوله بالكلام
* محسن : طيب مع السلامه
* أنــــــا : مع السلامه

صرخت وجدان بوجهي وقالت : شسويتي يالخبله
قلت لها ماعليك _ أنتظري
وأتصلت بمحسن

* محسن : هلا
* أنــــــا : هلا بك
* محسن : هاه وش عندك أخلصي بسرررعه ،، وراي مباراة ولازم أشوفها
* أنـــــا : أي مباراة لايكون النصر بيلعب اليوم
*محسن : إخس بعد تعرفين الكوره أنتي ووجهك ...<بنات آخر زمن>
* أنـــــا : أفا عليك أنا نصراويه موت <أعجبك>
* محسن : أخلصي قولي موضوعك اللي متصله عشانه
* أنــــــا : محسن قبل لا أتكلم أبرسل لك صوره وتذكرها زين
* محسن : أي صوره وش تبين أنتي
* أنــــــا : معليش محسن بكلمك بعد ماتجيك الصوره

وسكرت الخط ورحت لدولاب وجدان وطلعت لعبة محسن يوم كان صغير وقمت صورتها بالجوال وأرسلتها له

أتصل محسن علي بعد خمس دقايق

* أنــــــا : ألو
* محسن : من وين جبتي اللعبه
* أنــــــا : محسن تذكرها
* محسن : أكيد هذي أعز ألعابي يوم كنت صغير
* أنــــــا : وأكيد ماراح تنساها _ هي اللي جرحت يدك اللي ماراحت آثارها للحين
* محسن : وش دراك؟؟من أنتي
* أنــــــا : محسن الصراحه أنا صديقة وجدان بنت عمتك ووجدان تراها تموت فيك من يوم كانت صغيره وهي سمعت إنك تحب صديقتها
* محسن : هي ماعندها صديقه غير (ريم)
* أنــــــا : إيه ريم _ أنت تحبه
* محسن : أبد من قالك
* أنــــــا : وجدان سمعت أخوها بسام يكلمك وسمعته يسولف لك عن صديقتها ريم _
* محسن : آآه عرفت _ كان بسام يكلمني عن ريم دايم وكان يقول إنها حلوه ومزيونه وبنت ناس
* أنــــــا : طيب هو ليه يكلمك عن ريم
* محسن : لأنه يحبها ياذكيه
* أنــــــا : يحبهاااا
* محسن : وش فيك إيه يحبها
* أنــــــا : أحلف
* محسن : هيه وش بلاك أنهبلتي _مو هذا موضوعنا
* أنــــــا : طيب وأنت من تحب
* محسن : ماأحب أحد
* أنــــــا : و وجدان
* محسن : وجدان هي تحبني _أنا ما أحبها
* أنــــــا : طيب هي وش تعني لك
* محسن : بنت عمتي
* أنــــــا : محسن حرام عليك وش هالأسلوب أنت ليه جاف ماعندك أحساس _ أقولك البنت تحبك أنت شفيك _
* محسن : طيب هي ليه ماتكلمني
* أنــــــا : لاتنسى إن وجدان ماعمرها تجرأت تسويها وتكلم ولد
* محسن : طيب وأنتي ليه تكلمين ولد
* أنــــــا : أنا خلاص راحت علي
* محسن : مافهمت
* أنــــــا : ماعليك مني _ خلينا بموضوع وجدان
* محسن : طيب وش المطلوب مني إذا هي ماتبي تكلمني
* أنــــــا : طيب بسام يدري
* محسن : ماقال لي شئ مدري
* أنــــــا : طيب محسن أنا لازم أسكر الحين _ بس تذكر إن فيه ناس يموتون باليوم ألف مره وأنت مو داري بهم
* محسن : إنشااااااالله عمتي _ مع السلامه
* أنــــــا : مع السلامه



قامت وجدان وهي تصرخ وتقول _

ياحظي خلاص عرف بكل شئ وعرف إني أحبه_ _

ملاحظه/محسن هالسنه يدرس بكلية المعلمين بحايل بالمستوى الأول/ يعني أكبر من وجدان بسنه





وبعد ماأنتهت السنه وبدت العطله والوناسه والعروس / ومحسن صار يميل ل وجدان يعني حبها بس ماأعترف _ وأنا كنت مرسول الحب بينهم _ صرنا نكلمه بالأسبوعين مره _ وأنا بصراحه صارت لي مواقف مع بسام اللي أكتشفت إنه يحبن _ بس ماراح أذكرها لكم لأنه مو موضوعنا


أنتهت العطله وجت المدرسه وهالسنه هذي غيييير _ صرنا طالبات كليه هاها
قررنا ندخل أقتصاد لأنه سهل _ _
ومر النصف الأول والثاني _
وأنتهت السنه _
أنا نجحت صافي هالسنه والحمد لله _ أما وجدان فحملت مادتين _
ومن ثاني أسبوع من بداية العطله _

تقدم لوجدان خاطب _ وجدان رفضت بدون نقاش _ لكن أهلها أجبروها عليه _ لأن خواتها كلهم تزوجو بالثانوي وهي خلوها أهلها تكمل إلى الجامعه بحجة إنها دلوعتهم هي وأسومه _ وأختها شيخه المطلقه /

حددوا موعد الزواج في 15/ 6 بقصر التاج للأحتفالات بحايل _ _
و وجدان تموت وتتقطع ألف مره باليوم _ _ هو الولد إبن حلال ومدرس وحليل _ _ بس وجدان تتحجج إنه مو حلو وما أرتاحت له
<يعني من زين محسن الحين>

محسن لما درى بخطبة <وجدان>
أنهار وأعترف لأهله ولعمته وللعالم كله إنه يحب وجدان _ ووجدان مابيديها شئ تسويه _
خلاص مابقى على العرس إلا شهر و 18 يوم _

وجا موعد الزواج وماحضره محسن _ كان يبكي على حبه اللي ضاع من إيديه _

محسن أنعزل عن الناس وصار مايكلم أحد _ وتردت حالته _ وترك الكليه


وفجأه _ _




و بدون إنذار







محسن أختفــــــــــى


شلون !! ليه !! متى !!

هذا اللي ماقدر إي أحد إنه يعرفه _ _

محسن أختفى بليلة عرس وجدان _ وطبعآ بما إنه ماحضر العرس يعني الكل متوقع إنه بالبيت أو بالأستراحه _ _


بلغوا أهله الشرطه عن أختفاءه _ وماخلوا مكان ما فتشوا فيه _

ولكن ___ بدون فااايـــــــده ___

صار له 8 أيام ولا أحد يعرف عنه إي شئ _
الكل كان يعرف إن (زواج وجدان) هو سبب أختفاء محسن _ _

وجدان صارت شبه ميته _ دايم تعبانه _ دايم بالمستشفى _


مو بس لأنها تزوجت غير الشخص اللي كانت تحلم فيه من طفولتها _ لكن اللي آلمها زياده إنها كانت سبب جروحه وآلامه والأدهى والأمر إنها كانت سبب ضياعه _ _ وأختفاءه عن أهله و ناسه _

كانت وجدان دايم تزورني بالبيت وتبكي عندي لين تتفطر عيونها _ لأنها ماتبي تبكي عند زوجها طول اليوم عشان ماتجرحه _ هي ماقصرت مع زوجها كانت تبكي لين تنام _ وهو كان مقدر ظرفها اللي تعيش فيه _ عشان كذا كان دايم يهديها ويحاول يسعدها بأي طريقه _ وهي الله يهداها كانت مقصره حيل معه _

رجع محسن لبيت أهله عقب 3 أسابيع من غيابه * أثاري الأخ رايح مكه يبي يعتمر ويغير جو * ويحاول ينسى وجدان * ومقفل جواله طول هالمده * وعقبها رجع لأهله ولا كأنه سوى شئ *


المهم / في يوم من الأيام _ وجدان تلعب بجوالها وجتها رساله تقول _ _


ياما ترددت مدري كيف أبشرح لك _
أجيك وأرجع أبيك تقول وش جابك _
ياإبن الأوادم ترى مليت ألمح لك _
أنا أحبك و أعزك و أعشق تراااابك _

m,,,w

الرساله هذي كانت أول رساله أرسلتها وجدان لمحسن . . .
يعني صار له 3 سنين مخزن الرساله بجواله ...

الرقم كان غريب _ ماعرفته وجدان _ بس إحساس وجدان وهي تقرأ الرساله تغلب على لغة الأرقام _ وشلون مايحس قلبها إنه محسن وهو أول وآخر من سكن فيه _ _

حست بأن شئ يجذبها لـ هالرقم _ ومايحتاج عرفت إنه محسن _ _

و قامت أرسلت له :

غلاك الأول ما تغير لــ هالحين _
ما زلت غالي يابعد كل غالي _
مهما تغيب أياااام وشهور وسنين _
يبقى رصيدك بالحشا دوم عالي _
لا ما تغيرنا على العهد باقيييين _
باقين مهما فرقتنــــــــا الليالي-

و قعدت تنتظر ردة فعل محسن _
أكيد درى إنها عرفته _

بعد خمس دقايق أتصل عليها محسن _ وقفلت في وجهه الخط _

وأتصل مره ثانيه _ وقفلت في وجهه الخط للمره الثانيه _

بعدها أرسلت له رساله كتبت فيها :

أنا ما تجرأت أكلمك يوم كنت مراهقه وطايشه _ تبيني الحين بعد ما كبرت وتزوجت أرد عليك _ أعتذر لك يالغالي _ وأتمنى إنك تقدر ظروفي _


ومحسن أحترم رغبتها و حلف إنه مايكلمها مره ثانيه _ لإنه عارف إنه بفعلته هذي ممكن إنه يخرب بينها وبين زوجها _

ومرت 3 شهور _ و وجدان بهالوقت حامل _
وبعد 9 شهور وجدان أنتظرت الولاده _ وهي حالفه إن اللي في بطنها ماتسميه غير محسن _ و دخلت وجدان بالشهر العاشر و ما ولدت _ خافت وجدان وخافوا أهلها عليها _ وإضطرت إنها تدخل المستشفى ليوم الولاده _ _

أستغرب الأطباء من حالة وجدان فقرروا إنهم يسوون لها ولاده قيصريه _



وبعد العمليه وبعد ولادة محسن الصغير بثلاث ساعات _


تــــــــــوفــــــــــى محسن الكبير _ _ محسن الحبيب _ _ محسن الغالي _ _

سبحان الله !!
كأن الله أراد لـ وجدان إنه مايكون في حياتها غير محسن واحد _ _ يا إما محسن ولدها _ أو محسن حبيبها _ _

سبحان الله !!
العشر شهور اللي عاشها محسن الصغير في بطن أمه _ _ نفسها كانت العشر شهور الباقيه من حياة محسن الكبير _ _

سبحان الله !!
آلام الطلق والمخاض اللي كانت وجدان تحسها بوقت الولاده _ _ نفسها كانت آلام الإحتضار اللي حسها محسن الغالي عند وفاته _ _


سبحان الله !!
محسن الصغير لما حملت فيه وجدان _ _ مارضى يطلع إلا لما طلعوه الأطباء بالولاده القيصريه بالغصب _ _ ومحسن الكبير ما رضى يطلع من الدنيا اللي عايشه فيها وجدان إلا لما طلعه الموت بالغصب _ _

نفس الإحساس أحس به شخصين عاشقين بنفس الوقت * * وكأنهما جسدين بروح واحده **


سبحان الله _ سبحان الله _ سبحان الله _

يموت محسن و يولد محسن


تموت الفرحه و يبقى الحـزن


يموت الأمـل و يبقى اليأس


يموت الحبيب و تبقى الذكريات